Çĕнĕ Шупашкарта пурăнакан пулăç Атăлтан питĕ пысăк пулă туртса кăларнă. Пĕр центнера яхăн таякан çуйăна Дмитрий Блинов парăнтарнă.

Вăл тусĕпе июнĕн 20-мĕшĕнче ирхине пулла кайнă. Анчах тĕлĕнмелле пысăк пулă çаклатасси пирки шухăшлама та пултарайман. Ăна туртса кăларас тесе арçын 2 сехет тăрмашнă. Çуйăн 2 метр та 45 сантиметр тăршшĕ пулнă, 99 килограмм ытла тайнă.

Палăртса хăвармалла, Дмитрий Блинов пĕлтĕр те пысăк çуйăн тытнă, анчах та вăл кăçалхинчен пĕчĕкрех пулнă, 35 килограмм тайнă.

И. ИВАНОВ.