Хаклӑ вӗрентекенсем!

Сире пӗтӗм чунтан професси уявӗ ячӗпе саламлатӑп!

«Вĕрентекен пур чухне вĕренсе юл», – тенӗ ваттисем. Чӑваш халӑх ӑс-пурлӑхӗн ҫӳпҫинчи ҫак каларӑш ҫын пурнӑҫӗнчи вӗренӳ тата вӗрентекен пӗлтерӗшне уҫӑмлӑн палӑртать.

Сирӗнтен кашниех ачасене тӗнчене уҫма тата ӑнланма пулӑшать. Эсир ирттерекен кашни урок – вӗсен ҫутӑ малашлӑхӗ еннелле тунӑ черетлӗ утӑм, регион аталанӑвӗн никӗсӗ. Сирӗн вӗренекенӗрсем вӑхӑт иртнӗҫемӗн тӗнчене лайӑх еннелле улӑштаракан ҫынсем – ӑсчахсемпе политиксем, строительсемпе врачсем, музыкантсемпе педагогсем  – пулса тӑраҫҫӗ.

Пирӗн республикӑра тӑхӑр пине яхӑн вӗрентекен тӑрӑшса ӗҫлет. Эсир вӑхӑт кӑларса тӑратакан ыйтусене ӑнӑҫлӑн татса паратӑр, ҫӗнӗ меслетсене ӗҫе кӗртетӗр, вӗренӗве кӑсӑклӑ та илӗртӳллӗ тӑватӑр. Хӑвӑрӑн сумлӑ тивӗҫӗре – пӗлӳ парассине, ырра вӗрентессине тата нихҫан улшӑнми хаклӑхсене ӑса хывтарассине – пысӑк чӑтӑмлӑхпа тата яваплӑхпа пурнӑҫлатӑр.

Кашни вӗрентекене пархатарлӑ ӗҫӗшӗн тата ӑна чунтан парӑннӑшӑн тав тӑватӑп. Хӑвӑр вӗренекенӗрсемшӗн ырми-канми тӑрӑшни тата вӗсене хавхалантарса пыни хӑйӗн вӑйне шанакан, ирӗклӗ те пултаруллӑ ҫынсене пӑхса ҫитӗнтерме май парать.

Пурсӑра та ҫирӗп сывлӑх, иксӗлми вӑй-хал тата хавхалану сунатӑп! Юратнӑ ӗҫӗр сире кашни кунах савӑнӑҫ кӳрсе тӑтӑр, унчченхи, хальхи тата пулас вӗренекенӗрсем вара яланах ҫитӗнӳсемпе савӑнтарччӑр, вӗт ҫав ҫитӗнӳсенче сирӗн тӑрӑшуллӑ ӗҫӗрпе юратӑвӑрӑн тӳпи те пӗчӗккех мар.

Чӑваш Республикин Пуҫлӑхӗ

Олег Николаев

Дорогие учителя!

Сердечно поздравляю вас с профессиональным праздником!

 «Вĕрентекен пур чухне вĕренсе юл». («Учись, пока есть учитель») Этой поговоркой в чувашском народном фольклоре подчеркивается высокая роль образования и учителя в жизни человека.

Каждый из вас вдохновляет и помогает детям открывать мир. Каждое ваше занятие – это шаг к их светлому будущему, залог развития региона. Ваши ученики становятся учеными и политиками, строителями и врачами, музыкантами и педагогами — людьми, которые меняют мир к лучшему.

В нашей республике трудятся около девяти тысяч учителей. Вы справляетесь с вызовами времени, внедряете новые методики обучения и делаете процесс познания увлекательным. С безграничным терпением и ответственностью вы выполняете свою миссию — сеять разумное, доброе, вечное!

Благодарю каждого педагога за труд и преданность делу. Ваша поддержка и забота о воспитанниках формируют уверенных, самостоятельных, творческих людей.

Желаю вам здоровья, сил и вдохновения! Пусть каждый день приносит радость от работы, а ваши бывшие, нынешние и будущие ученики всегда радуют успехами, ведь в их достижениях — немалая доля вашего труда и любви.

Глава Чувашской Республики

Олег Николаев

Источник: https://cap.ru/news/2024/10/05/glava-chuvashii-oleg-niko