Раççейри Тăван çĕршывăн хÿтĕлевçин тата Чăваш Енри Çĕнтерÿпе патриотизм çулталăкĕ-сене Куславкка округĕнчи шкулсем хастар хутшăнаççĕ.

Ытти вĕренÿ учрежденийĕсенчи пекех, Тĕмшер шкулĕнче вĕренекенсем те районти Культура çуртĕ- нче февралĕн 23-мĕшĕнче уяв ячĕпе хамăр тăрăхри паттăрсене Алексей Георгиевич Журавлевпа Дмитрий Валерьевич Перцева халалласа ятарласа стенд хатĕрлерĕç. Ун валли ачасем танксемпе самолетсен макечĕсене туса хатĕрлерĕç. Вĕсем Тĕмшер шкулĕнчен вĕренсе тухнă çар служащийĕсен хăюлăхĕпе паттăрлăхне, Тăван çĕршыв умĕнчи тивĕçне чыслăн пурнăçланине ялан асра тытма, çак астăвăма ăруран ăрăва çитерме хатĕр пулнине çирĕплетсе пачĕç. Пирĕн вĕренекенсем патриотизм ахаль сăмах мар, вăл чун туртăмĕ пулнине, Тăван çĕршыва, халăха виçесĕр юратнине пĕлтернине аван ăнланаççĕ.

Э. КРАСНОВ.