Çак ÿкерчĕк çинчи Ольга Юрьевна Васильева хамăр округри Елчĕк ялĕнчи Васильевсен хресчен-фермер хуçалăхĕнче бухгалтер шутланать. Çемье ĕне ферми тытать.

Ольгăна мĕн пĕчĕкренех ĕçлеме хăнăхтарнă, аслисене хисеплеме, ватăсене пулăшма вĕрентнĕ. Вăл пурнăçри тĕллевне юратнă ачисенче тата ашшĕ-амăшĕн ватлăхĕ канлĕ пулнинче курать. Тĕрлĕ документсемпе ĕçлеме килĕштернĕрен, Ольга Васильева мăшăрне пулăшас туртăмпах бухгалтера вĕренсе тухнă. Тăрăшнине кура пурте ăнăçлă пулса пырать. Кăткăсрах ыйту сиксе тухас пулсан, вăл ĕçтешĕ-сенчен пулăшу ыйтма та именмест.

– Нумай çул ĕçлесен опыт та пухăнать, пĕлÿ те ÿсет, çавăнпа пĕр вырăнта тăмалла мар, тĕллев лартмалла та ăна пурнăçлама тăрăшмалла, – тет Ольга Юрьевна.

О. МИХАЙЛОВА.