Июнĕн 25-мĕшĕнче хулари библиотекăра ĕçлекенсем Куславккари комплекслă центр çумĕнчи «Фортуна» лагерьте канакансем валли «Геометрика» паркĕнче çу кунĕсем чăннипех те хаваслă та илемлĕ пулнине çирĕплетекен мероприяти ирттерчĕç.

Вĕсем ертсе пынипе арçын ачасемпе хĕрачасем тĕрлĕ-рен кăсăклă вăйăсем вылярĕç, ташларĕç, юрларĕç, кулчĕç, кăмăлтан савăнчĕç. Ăстăн шайне палăртакан «Эпĕ кам?» вăйă та пурне те килĕшрĕ.

Мероприяти питĕ интереслĕ тата хаваслă иртрĕ, çавăнпа вăл нумайранпа ачасен асĕнче юласса шанатпăр.

З. САФИНА.