Чăваш Енри учительсене преми парса хавхалантарнă. Телейлисен йышне 11 çын кĕнĕ.

Республика Пуçлăхĕн хушăвĕпе килĕшÿллĕн Куславккари 3-мĕш вăтам шкулта биологипе хими предмечĕсене вĕрентекен Алевтина Алексеева 150 пин тенке тивĕçнĕ. Вăл кăçал «Чăваш Енри çулталăкри учитель» конкурсра çĕнтернĕ. Шупашкарти 30-мĕш ача садĕ-нче тăрăшакан Дарья Жгарь – «Чăваш Енри çулталăкри воспитатель». Вăл 100 пин тенке тивĕçнĕ.

Ыттисене 50 пин тенкĕ парса хавхалантарĕç. Вĕсен хушшинче Куславкка округĕнчи Тĕрлемесри вăтам шкулта ĕçлекен Татьяна Анилина та пур. Вăл - педагог-психолог.

Çак кунсенче пирĕн педагогсем хăйсен профессири ăсталăхне Пĕтĕм Раççейри конкурсра кăтартса пама хатĕрленеççĕ.

В.СМИРНОВА.