Тĕрлемесри вăтам шкулта вĕренекен В. Чамеева нумай пулмасть Пĕтĕм тĕнчери ачасен «Артек» центрне тухса кайрĕ.Çак çулçÿреве вăл вĕренÿре аван ĕлкĕрсе пынипе, обществăлла ĕçсене, шкулти тата ун тулашĕнчи мероприятисене хастар хутшăннипе тивĕçлĕ пулчĕ.

Кăçал Вера Раççей почти йĕркеленĕ «Почта - ача-пăча ĕмĕтĕнчен çитĕннĕ çынсен çĕнтерĕвĕ таран» конкурсра çĕнтерчĕ, Артекра канма путевка çĕнсе илчĕ. Вăл нумай çĕннине курма пултарнипе пĕрлех пĕтĕм çĕршывран пухăнакан талантлă ачасемпе те паллашма пултарать.

И. НИКОНОРОВА.