Куславкка округĕнчи право йĕркине пăсассинчен асăрхаттаракан комиссин черетлĕ ларăвĕнче информаципе телекоммуникаци технологийĕ-семпе усă курса укçа-тенкĕ вăрланипе çыхăннă темăна сÿ- тсе явнă.

Шел пулин те, пирĕн округра пурăнакансем те ултавçăсен аллине лекеççĕ. Раççей Шалти Ĕçсен министерствин «Козловский» пайĕнче кăçалхи сакăр уйăхра кунашкал 29 преступление шута илнĕ. Ку вăл иртнĕ çулхинчен 8 тĕслĕх ытларах. Ултавçăсем граждансене 5,4 миллион тенкĕлĕх тăкак кÿнĕ.