Сентябрĕн 21-мĕшĕнче каçхине 4 сехет те 50 минутра Муркарти Нагорнăй урамра «Авантис» маркăллă питбайкпа пынă каччă аварие лекнĕ - вак чул сарнă çул çинче çаврăнса ÿкнĕ. Çакна курнă çынсем васкавлă пулăшу тата çул-йĕрпе патруль службине чĕнсе илнĕ. Тăнне çухатнă каччăна Шупашкарти васкавлă медицина пулăшăвĕн больницине ăсатнă.

Вăл колледжра иккĕмĕш курсра вĕренни паллă. Инкеке лекнĕ чухне каччă шлем тăхăннă пулнă, анчах та водитель правине илме ĕлкĕреймен.

Ку факт тăрăх Патшалăх автоинспекци сотрудникĕсем тĕрĕслев ирттереççĕ.