Сентябрĕн 29-мĕшĕнче эпир Пĕтĕм тĕнчери чĕре кунне паллă турăмăр. Вăл хамăрăн тĕп орган йĕркеллĕ ĕçлетĕр тесен уншăн кашни çыннăн тăрăшма кирлине аса илтерет, мĕншĕн тесен чĕре пĕр чарăнмасăр тапать, эпир пурăнма, сывлама, кулма тата юратма пултарасси пĕтĕмпех унран килет-çке.

Çакна шута илсе Кунерти вăтам шкулта 5-мĕш класра вĕренекенсем Пĕтĕм тĕнчери чĕре кунне халалланă акцине хутшăнчĕç. Арçын ачасемпе хĕрачасем чĕре пирĕн сывлăхшăн мĕнле пĕлтерĕш йышăннине тĕплĕнрех пĕлме пултарчĕç, хăйсен туйăмĕсене хут çинче сăнарласа пачĕç.

И. МЫКОВА.