Ăçта пурăннине, миçе çултине е профессипе миçе çул ĕçленине кура Раççей Социаллă фончĕ граждансене пенси çумне хушса тÿлет. Цифровизацие пула тата ведомствăсем кирлĕ информацие пĕр-пĕрне электронлă майпа куçарма пултарнипе çак тÿлевсенчен хăшĕ-пĕрне илес тĕллевпе заявлени çырма кирлĕ мар.

Заявлени çырмасăрах:

- ĕçлемен пенсионерăн пенси виçи регионта пурăнма кирлĕ минимумран сахал пулсан çав минимум таран хушса тÿлемелле тăваççĕ. Чăваш Республикинче çак тÿлеве 30876 пенсионер илсе тăрать;

- 80 çул тултарсан е пĕрремĕш ушкăнри инвалид пулнине палăртсан ватлăхра паракан страхлакан пенси çумне çирĕплетнĕ йĕркепе йышăннă пысăк тÿлев хушса тÿлеççĕ;

- Инçет Çурçĕрте пурăннăшăн тата Çÿрçĕрти стажа ĕçлесе татнăшăн Чăваш Енри 5961 пенсионера пенси çумне укçа хушса тÿлеççĕ.

Заявлени çырнă хыççăн:

- тивĕçлĕ канури ятарлă стаж ĕçлесе татнă çынсене (вĕçев экипажĕсен членĕсене, çĕркăмрăкĕ кăларакан çĕрте ĕçлекенсене тата ыттисене те) мĕнле профессипе ĕçленине кура хушса тÿлеççĕ;

- яллă вырăнта пурăнакан, колхозра, совхозра, выльăх-чĕрлĕх, пулă ĕрчетнĕ, ÿсентăран ÿстернĕ предприятисенче ĕçлесе тивĕçлĕ канăва тухнă пенсионерсене;

- çын е патшалăх шучĕпе тăранса пурăнакан ачасем пур пулсан.

Э. МАКАРОВА,

Раççей Социаллă фончĕн Чăваш Енри уйрăмĕн пресс-секретарĕ.