Куславккапа кÿршĕллĕ Сĕнтĕрвăрринче Тогаев çурчĕ умне тирпей-илем кĕртме тытăннă. Унта Раççей халăх артистки Евгения Симонова тата унăн мăшăрĕ Андрей Эшпай кинорежиссер килнĕ. Вĕсем 3 тĕм сирень лартнă.

Советсен урамĕнчи 8-мĕш çурт икĕ композиторпа çыхăннă, унта Анатолий Тогаев (1884–1976) ĕçлесе пурăннă, унпа пĕртăванĕн ывăлĕ Андрей Эшпай, «Сережка с Малой Бронной» паллă юрă авторĕ, çуллахи каникулсене ирттерме юратнă, унтанах вăл Тăван çĕршывăн Аслă вăрçине тухса кайнă.

Çак çуртра музыка музейĕ уçма палăртнă. Экспозицие икĕ композиторăн пурнăçĕпе пултарулăхне халаллĕç. Ăна хатĕрлеме Андрей Эшпайăн ывăлĕ Андрей Андреевич Эшпай хутшăнĕ.