2027 çулта Республика кунĕ йăлана кĕнĕ йĕркепе Шупашкар хулинче тата Елчĕк округĕнче иртĕ. Чăваш Ен Пуçлăхĕн администрацийĕ кун пирки Указ проектне хатĕрленĕ.

Документра палăртнă тăрăх, муниципалитетсен пĕрлешĕвĕн конкурсĕнче Республика кунне уявлама Шупашкарсăр пуçне Елчĕк округĕ тивĕçнĕ. Вырăнти хăйтытăмлăх органĕсене 2027 çулта Акатуй тата Сабантуй, йăлана кĕнĕ ытти мероприятисем ирттерме сĕннĕ, Министрсен Кабинетне вара Елчĕк округĕнчи ялсенчи общество инфратытăмне аталантармашкăн грант пама хушнă.

Аса илтерер: кăçал Республика кунĕ Шупашкар хулинче тата Шупашкар округĕнче иртнĕ.