Тĕнчере пĕр миллиарда яхăн çын ытла самăр пулнипе хĕн курать, 600 миллион çын вара сахăр диабечĕпе чирлет. Раççейре ытлашши мăнтăррисем 40-45 миллион, сахăр диабечĕн тĕрлĕ формипе 10-12 миллион арçынпа хĕрарăм аптăрать. Вĕсен йышĕнче 80-90 проценчĕ – самăр çынсем.

Хальхи вăхăтра нумайăшĕ хусканусем питĕ сахал тăвать, калориллĕ апат çиет. Çакă вара мăнтăрланасси патне илсе çитерет. Ытлашши кĕлетке виçи сахăр диабечĕсĕр пуçне инфаркт, инсульт, шăмă сыпписен чирĕ- сем тата ытти чир-чĕр патне илсе çитерме пултарать. Тахçанах тупса палăртнă: çын мĕн чухлĕ ытларах хускалать, çавăн чухлĕ нумайрах калори пĕтерет. Мышцăсене час-часах ĕçлеттерсен сахăр шайĕ чакать. Тĕрлĕ хускану, ятарлă хăнăхусем тума хуть те хăçан та пуçлама юрать.