10 тенкĕллĕ укçасем çинче Чăваш Ен тата Шупашкар гербĕсене ÿкерĕç. Ку ыйтупа Чăваш Республикин Пуçлăхĕ Олег Николаев Раççей Банкĕн Атăл-Вятка тĕп управленийĕн ертÿçипе тĕл пулсан калаçнă.

Кăçал «Раççей Федерацийĕ» серире Чăваш Республикин гербне ÿкернĕ 10 тенкĕллĕ укçа тухĕ. Çитес çул «Ĕç мухтавĕн хулисем» серире Шупашкара халалланă укçа кăларĕç.

Икĕ ен регионти финанс рынокне сÿтсе явнă. Аса илтеретпĕр: 2025 çултанпа Чăваш Ен бюджет процесне цифра укçине çаврăнăша кĕртессипе çыхăннă сăнав проектне хутшăнать.