Чăваш Республикинчи нумай ачаллă хĕрарăма ача çуратни çинчен суя справка туса амăшĕн капиталне илнĕшĕн яваплаççĕ.
Çакă паллă: 2019 çулта апрель уйăхĕнче 35-ри хĕрарăм Пермь хулинче ача çуратнă тесе суя справка тутарнă. Кун хыççăн çуралнине ĕнентерекен свидетельствăпа 450 пин тенкĕ ытла амăшĕн капиталне илнĕ.
Çапла майпа документсем тăрăх хĕрарăмăн 4 ача шутланнă. Анчах та чăннипе вара унăн виçĕ ача анчах пулнă: 2000, 2001 тата 2004 çулсенче çуралнăскерсем. Вĕсемшĕн вăл амăш капиталне илеймен, мĕншĕн тесен ку укçана 2007 çулта кăна пама тытăннă.
