Куславкка муниципаллă округра пурăнакан çамрăк мăшăрсем пĕлтĕртенпе «Çемье» наци проекчĕ пулăшнипе прокат пункчĕ паракан пулăшупа усă курма пултараççĕ.

Ăна уçнăранпа çырса хатĕрленĕ 100 ытла договорпа килĕшÿллĕн çамрăксене ача-пăчана ÿстерме куллен кирлĕ 170 ытла япала-хатĕрпе тивĕçтернĕ, тесе пĕлтернĕ Чăваш Республикин Ĕçлев тата социаллă хÿтĕлев министерствин официаллă сайтĕнче.

Округри çемьесем прокатран ытларах тин çуралнă ача валли ?вăл виçĕ çул тултариччен% кÿмесемпе автолюлькăсем, краватьсем, апат çитермелли пĕчĕк сĕтелсем тата ыттине те илеççĕ. Демьяновсен йышлă çемйи те пиллĕ- кмĕш пепке çуралсан центр сĕнекен пулăшупа усă курма шутланă.

«Прокат пункчĕ пурри пуриншĕн те аван. Пĕр-пĕр япалана тупса илес тесе магазинсем тăрăх çÿресе вăхăта ирттерме, маркетплейссенче заказ пама кирлĕ мар, унта пахалăхсăр тавар та сĕнме пултараççĕ вĕт. Кунта вара пачах урăхла: центра пыратăн, кирлĕ япалана алăпа тытса пăхатăн, унăн пахалăхне куçпа курса хаклатăн тата ун пирки специалистран та ыйтса пĕлме пултаратăн», - тесе калать пилĕк ача амăшĕ Оксана Демьянова.