Пурнăçра йывăр лару-тăрăва лекнисене патшалăх тимлĕхсĕр хăвармасть. Куславккари халăха социаллă пулăшу паракан комплекслă центр та ырă ĕç тăвакан «Ватлăхра савăнмалăх» фондпа пĕрле харпăр хăй килĕнче пĕччен пурăнакансене, сусăрсене час-часах пулăшма тăрăшать. Тĕслĕ-хрен, муниципаллă округра паян 3 инвалида тата пĕччен пурăнакан 7 ватă çынна тÿлевсĕр вутăпа тивĕçтеретпĕр.

Аякри ялсенче ватлăхра кун кунлама пĕрре те çăмăл мар. Хĕллехи вăхăтра ватăсемпе сусăр çынсене уйрăмах йывăр. Нумайăшĕ апат-çимĕç, эмел, çуртне хутса ăшăтма вут-шанкă çителĕклĕ хатĕрлеймест. Вĕсен ирĕксĕрех пурне те перекетлеме тивет.Çавăнпа та «Ватлăхра савăнмалăх» фонд «Пулăшу» проектпа килĕшÿллĕн пĕччен пурăнакан ватăсемпе инвалидсене вутă туянса парать.

Е. ЧАПУРИНА.