Чӑваш Республикин хисеплӗ ҫыннисем!

Сире Раҫҫей Федерацийӗн Конституцийӗн кунӗ ячӗпе саламлатӑп!

30 ҫул каялла, 1993 ҫулхи раштав уйӑхӗн 12-мӗшӗнче, этемӗн тата гражданинӑн тӗп прависемпе ирӗклӗхӗсене чи пысӑк хаклӑх пек ҫирӗплетнӗ Раҫҫей Федерацийӗн Конституцине пӗтӗм халӑх сасӑлавӗпе йышӑннӑ. Патшалӑхӑн право тытӑмӗн тӗп пайӗ пулнӑ май, Конституци Раҫҫей аталанӑвӗн демократилле ҫул-йӗрне палӑртрӗ, обществӑн мӗнпур сферинех ҫӗнетмелли никӗс пулса тӑчӗ. Ҫӗршывӑмӑрӑн Тӗп саккунӗ патшалӑх суверенитетне тата влаҫ саккунлӑхне ҫирӗплетес, гражданла институтсене туса хурас ӗҫре пысӑк витӗм кӳчӗ, Раҫҫей Федерацийӗн субъекчӗсен пахалӑхлӑ ҫӗнӗ статусне йӗркелерӗ.

Раҫҫей Федерацийӗн Конституцийӗ ҫӗршывӑмӑрта пулса иртекен улшӑнусене шута илсе аталанать. Нумаях пулмасть кӑна-ха унта пенсисемпе социаллӑ пособисене тӑтӑшах индексацилесе тӑрассине, Раҫҫей Тӗп саккунӗ патшалӑхсем хушшинчи органсен йышӑнӑвӗсенчен ҫӳллӗрех шайра пулнине, федераци йышне ҫӗнӗ регионсене кӗртессине тата Раҫҫей статусне социаллӑ тӗллевлӗ, суверенлӑ тата ятлӑ-сумлӑ та хӑватлӑ ҫӗршыв пек палӑртакан ытти положенисене кӗртессине ҫирӗплетсе хӑварнӑччӗ.

Конституци принципӗсене тӗпе хурса эпир вӑйлӑ та мал ӗмӗтлӗ Раҫҫей патшалӑхне тӑвассишӗн вӑй хуратпӑр. Пултаруллӑ ӗҫӗмӗр, ҫӗршыв пуласлӑхӗшӗн кашниех яваплӑ пулнине туйса тӑни эпир пурте пӗрле Тӑван ҫӗршывӑмӑр хӑрушсӑрлӑхне тивӗҫтерме пултарасса, вӑхӑт кӑларса тӑратакан пӗтӗм йывӑрлӑха ҫӗнтерессе, ҫынсен пурнӑҫне хӑтлӑ та ӑнӑҫлӑ тӑвасса ҫирӗппӗн шанма май парать.

Пурсӑра та ҫитӗнӳсем, мӗнпур лайӑххине тата тӑнӑҫлӑх сунатӑп!

Чӑваш Республикин Пуҫлӑхӗ                                                                                                         Олег Николаев

Дорогие жители Чувашской Республики!

Поздравляю вас с Днем Конституции Российской Федерации!

30 лет назад, 12 декабря 1993 года, всенародным голосованием была принята Конституция Российской Федерации, закрепившая как высшую ценность основные права и свободы человека и гражданина. Являясь ядром правовой системы государства, Конституция определила демократический курс развития России, стала основой для модернизации всех сфер жизни общества. Основной Закон страны сыграл ключевую роль в упрочении суверенитета государства и легитимности власти, становлении гражданских институтов, придала качественно новый статус субъектам Российской Федерации.

Конституция Российской Федерации развивается, отражая изменения, происходящие в нашей стране. С недавних пор в ней прописаны регулярная обязательная индексация пенсий и социальных пособий, приоритет Основного Закона России над решениями межгосударственных органов, включение в состав федерации новых регионов и многие другие положения, закрепляющие статус России как социально ориентированной, суверенной и влиятельной державы.

Опираясь на конституционные принципы, мы продолжаем строить сильную и процветающую Россию. Созидательный труд, ответственность каждого гражданина за будущее страны гарантируют, что мы общими усилиями обеспечим безопасность нашей Родины, преодолеем все вызовы времени, сделаем жизнь людей комфортной и благополучной.

Желаю всем успехов, добра и мира!

Глава Чувашской Республики                                                                                                              Олег Николаев

Источник: https://cap.ru/news/2023/12/12/oleg-nikolaev-pozdravlyaet-s-dnem-konstitucii-ross