Раççей Социаллă фончĕн Чăваш Республики тăрăхĕнчи уйрăмĕ апрелĕн 1-мĕшĕнчен пуçласа патшалăх пенсийĕ-сене, çав шутра социаллă пенсие те, 14,75 процент чухлĕ индексацилени пирки пĕлтерет. Индексаци виçине пенсионерăн иртнĕ çулхи пурăнмалăх минимумĕ мĕнле ÿснине кура шутласа палăртнă.

Социаллă пенси страховани стажĕ миçе çул пулнинчен тата пенси коэффициентĕ-нчен килмест. Ăна тивĕçлĕ канури çын миçе çултине, инвалид пулнине тата çемьене тăрантаракан пулманнине кура памалла тăваççĕ.

Апрельти индексацие çавăн пекех патшалăх пенсийĕ илекенсене пама пуçлаççĕ. Çав шутра: Тăван çĕршывăн Аслă вăрçине хутшăннисене, «Блокадăри Ленинградра пурăннă çын», «Хупăрлава лекнĕ Севастопольте пурăннă çын» тата «Хупăрлава лекнĕ Сталинградра пурăннă çын» паллăсемпе наградăланисене, космонавтсемпе летчик-испытательсене, призывпа çар службинче пулнă çар служащийĕсене, çавăн пекех радиациллĕ е техногенлă катастрофăсенче пулнă çынсене, вĕсен çемйисене.

Индексаципе çыхăннă ыйтупа Раççей Социаллă фончĕн Чăваш Республики тăрăхĕнчи уйрăмне ятарласа пымалла мар. Çак тÿлеве апрельте пенси памалли графикпа килĕшÿллĕн куçарса параççĕ е киле илсе пыраççĕ.

Тепĕр хут аса илтеретпĕр: апрелĕн 1-мĕшĕнчен пуçласа Чăваш Республикинче пурăнакан 27 пин ытла çыннăн социаллă пенсине 14,75 процент чухлĕ индексациленĕ.

М. Дмитриева.