Чăваш Республики çывăх вăхăтра Узбекистана пир тĕртмелли станоксем ăсатма тытăнать. Кун пирки Олег Николаев хăйĕн телеграм-каналĕнче пĕлтернĕ.
Регион делегацийĕ нумай пулмасть Кашкадарьинск облаçĕнчи çĕвĕ фабрикинче пулса курнă. Шăпах ĕнтĕ унта çĕрмамăкĕнчен тĕртсе тунă пир-авăрĕнчен хатĕр япаласем çĕлеççĕ.
Пирĕн республикăри «Текстильмаш» предприятире арланă çиппе ĕçлемелли пир-авăр станокĕсем туса кăлараççĕ. Вĕсем Узбекистанри пир-авăр промышленноçне çĕнетме пулăшĕç. Кунсăр пуçне тата ют çĕршывра курса паллашнă производство хăвачĕсем те Чăваш Енре çакнашкал проектсене ĕçе кĕртме май пама пултараççĕ.
Н. УВАРОВА.
