Кăçалтан Раççейре «Ялти культура ĕçченĕ» программа ĕçлет. Ăна ялти тата пĕчĕк хулари культура учрежденийĕсен ĕçĕ-хĕлне лайăхлатас, йĕркелеме пулăшас тĕллевпе Раççей Федерацийĕн Президенчĕн Владимир Путинăн пуçарăвĕпе хута янă.

Чăваш Енре çак программăна хутшăнма 16 çын кăмăл тунă. Вĕсенчен саккăрăшĕ 1 миллион тенке тивĕçсе ялти клубра, библиотекăра тата ытти учрежденире ĕçлеме пултарĕ.

Ытларах ялта камсем кирлĕ-ха? Заведующисем, илемлĕх ертÿçисем, ташлама тата юрлама вĕрентекенсем, ăслăлăх ĕçченĕсем.