Иртнĕ эрнере, сентябрĕн 8-мĕшĕнчен пуçласа 14-мĕшĕччен, ултавçăсем Чăваш Енри 23 çынна шăн пăр çине лартса янă. Палламан çынсене ĕненнипе вĕсем пурĕ 15 миллион тенкĕсĕр тăрса юлнă.

Ултавçăсен серепине лекнисем хушшинче 6 пенсионер, 3 предприниматель, 3 сутуçă, педагогсемпе водительсем тата харпăр хăй ĕçĕпе ĕçлекенсем 2-шер çын, ытларах хĕрарăмсем. Регионта пурăнакансене тĕпрен илсен инвестицисемпе укçа ĕçлесе илме, укçа-тенке «хăрушсăр счет» çине куçарма илĕртсе улталанă.

Чăваш Республикинчи Шалти ĕçсен министерстви çапла асăрхаттарать: ултавçăсен серепине лекнисем ытларах чухне укçа аферистсене куçарса параççĕ, лешсем вара унпа Украинăри Хĕçпăшаллă вăйсене пулăшма усă кураççĕ. Улталанă кашни факт тăрăх полици сотрудникĕ-сем гражданин е организаци ют пашалăха е урăх патшалăх çыннине укçа-тенкĕпе пулăшма, çавна май Раççей Федерацийĕн хăрушсăрлăхне хирĕç тăма пултарнипе пултарманнине, çавăн пекех Чăваш Республикинчи терроризма хирĕçле комисси, Чăваш Республикин Пуçлăхĕн ?оперативлă штабăн% йышăнăвне пурнăçланипе пурнăçламаннине е пăснине тĕплĕн тĕрĕслеççĕ. Правăна хирĕçле ĕçленине çирĕплетекен фактсем тупса палăртсан, айăплă çынна саккунпа пăхнă яваплăх тыттарас ыйтăва хускатĕç.