Республикăри Çут-çанталăк министерстви пĕлтернĕ тăрăх, регионти «Ситиматик Чувашия» оператор укçи-тенкипе Чăваш Ен валли хальхи йышши 572 контейнер туяннă. Тĕрлĕ каяш тата çÿп-çап кăларса пăрахмалли 100 савăта Шупашкара турттарса килнĕ ĕнтĕ.

Çĕнĕ контейнерсем туянни компани йăлари хытă йышши коммуналлă каяшсене халăхран пухассине лайăхлатассишĕн тăрăшма, инфратытăма темиçе тапхăрпа çĕнетме тытăннине çирĕ-плетет. Регионти оператор çывăх вăхăтра çак контейнерсене республикăри хуласемпе округсенче вырнаçтарасси пирки пĕлтерет. Чи малтанах кивелсе çитнĕ тата ваннă контейнерсене улăштарĕç.

«Экологири ăнăçлăх» наци проекчĕпе килĕшÿллĕн Чăваш Енри Канаш округĕнче çÿп-çап сортлакан комплекс туса лартнă. Хальхи вăхăтра вĕсене Патăръелпе Муркаш округĕсенче тăваççĕ. Çÿп-çап сортламалли комплекссем туни каяшсене вăхăтра турттарса тухса ĕçе кĕртме тата тавралăха варалассине сирсе яма май парать»,- аса илтернĕ Чăваш Енри Çутçанталăк министерствин ертÿçи Эмир Бедертдинов.