Ноябрĕн 4-мĕшĕнче, Халăхсен пĕрлĕхĕн кунĕнче, Раççейре Пысăк этнографи диктантне çырнă. Мускавра çак акцие хутшăнакансен йышĕ-нче пирĕн ентеш, Куславккара çуралса ÿснĕ Ксения Гришина та пулнă.

Вăл унта чăваш тумне тăхăнса пынă. Пĕрремĕш канала пĕчĕк интервью та панă. Ксения çамрăксен хăйсен культурине пĕлмеллине тата упрамаллине, унпа мухтанмаллине палăртнă.

К. Гришина унччен Хусанта вĕреннĕ, ун хыççăн Мускава пурăнма куçнă. 2023 çулта вăл Мускаври педагогика университечĕн Мисĕ те пулнă. Хальхи вăхăтра хĕр ГИТИСра тата Мускаври педагогика университетĕнче вĕренет.

С. САВНЕШ.