«Пурнăç валли инфратытăм» наци проектне пурнăçласа, Чăваш Республикин территорийĕнче регионти тата муниципалитетсем хушшинчи пурте усă куракан автоçулсене йĕркене кĕртмелли мероприятисене тимлĕх уйăраççĕ. Ку енĕпе «Волга» - Сĕнтĕрвăрри - Октябрьски - Куславкка» автоçулăн 20 çухрăма тăсăлакан пайĕнче те ĕçсем пыраççĕ. Вĕсене 2 тапхăрпа пурнăçлама палăртнă.

Çак тĕллевпе 2025-2026 çулсенче 151 миллион тенкĕ уйăрса параççĕ. Паянхи куна объектра строительствăпа монтаж ĕçĕсене палăртнă графикран кăшт маларах пурнăçласа пыраççĕ, пĕлтереççĕ регионти Транспортпа çул-йĕр хуçалăхĕн министерствинчен.

Çула çĕрлехи вăхăтра çутатса тăма халлĕхе 247 тимĕр юпа лартса тухнă, транспорт чарăнмалли лаптăксене йĕркене кĕртес тĕллевпе çĕнĕ вырăнсем хатĕ-рлеççĕ, вĕсем патне çитме часах çĕнĕ тротуарсем хывĕç. Çывăх вăхăтра автомагистраль тăршшĕ-пе, 10 çухрăма çити, çула лайăх çутатса тăракан хальхи йышши системăсем вырнаçтарса тухĕç, хăтлă тата пăхма кăмăллă чарăну вырăнĕсем туса хурĕç.

Иртнĕ эрнере «Стройтрест-21» ООО подряд организацийĕ çул-йĕр çинчи паллăсене вырнаçтарма тытăннă. Вĕсем хăрушсăрлăх шайне ÿстерме кирлĕ.