Кăçал республикăри ялхуçалăх предприятийĕсем ют çĕршывсене 1 пин те 700 тонна ытла севок-сухан ăсатнă. Ку продукцине Казахстанра, Кыргызстанра, Болгарире, Молдовăра, Румынире тата Монголире хаваспах туянаççĕ. Çапах та ытларах пайне (1 пин те 300 тонна) Беларусь Республики сутăн илет.

Ялхуçалăх министерствинче экспорт калăпăшĕ кашни çулах пĕр шайра пулнине, сухан тухăçĕ кăçал та чакманнине палăртаççĕ. Çакă вара регионта «Пĕтĕм тĕнчери коопераци тата экспорт» нацпроекта кĕрекен «Агропромышленность комплексĕн продукцине экспорта ăсатасси» проект ăнăçлă пурнăçланса пынипе тÿрремĕнех çыхăннă.