Тĕрлемесри вăтам шкулта кашни кунах интереслĕ мероприятисем иртеççĕ. Çак кунсенче, акă, 6-мĕш класра вĕренекенсем «Киберхăрушлăхран хÿтĕленесси тата Интернет уçлăхĕнчи преступленисенчен асăрханасси» темăна сÿтсе яврĕç.

Ку мероприятие шкул ачисем хушшинче цифрăсемпе çыхăннă пĕлĕве ÿстерес тата онлайн-меслетпе усă курнипе пулса иртекен сиенлĕ пулăмсенчен хăтарас тĕллевпе йĕркелерĕмĕр. Калаçу вăхăтĕнче вĕренекенсем Интернетра анлă сарăлнă ултавсен тĕсĕсем çинчен ытларах пĕлме пултарчĕç, социаллă сетьре палламан çынсемпе хутшăннă чухнех яланах асăрхануллă пулмаллине палăртрĕç.

Т. АНИЛИНА,

класс ертÿçи.